妹妹來電說來探訪,大概二、三小時後到,她最愛美心班蘭蛋糕,待我做一個班蘭蛋糕給她帶回家慢慢吃,但如此急來不及去買新鮮班蘭葉,去就近商場買班蘭香油代替。
材料:8吋方盆
雞蛋5隻
細砂糖80克
低筋粉90克
班蘭香油1茶匙
植物油1-2湯匙
鹽少許
淡奶60克
做法:
雞蛋分成蛋白與蛋黃,蛋黃加入植物油和班蘭香油打沸,加入淡奶打沸,低筋粉過篩,將低筋粉分兩次拌入蛋漿中至幼滑無粉粒,備用。
蛋白加入鹽略打至起粗泡,分兩次加入砂糖,打至蛋白霜紋路清晰可見後,提起有倒勾即成。
取1/3蛋白霜加進麵糊攪拌均勻,
將麵糊倒入蛋白霜中小心攪拌至完全均勻,
8吋方盤用牛油紙墊底,倒入麵糊掃平,拿起模具在檯上輕敲幾下,坐熱水入爐,放低層,用200度焗15分鐘至面開始少許上色,轉160度焗35分鐘,如表面太早夠色,可用錫紙遮蓋,用竹簽插入拔出竹簽乾爽沒有蛋糊便熟。
唔使三個鐘頭搞掂,真夠專業,讚!
回覆刪除如心:糕餅我都是近幾年才開始鑽研試做,離專業還有很遠距離呢!這祗是個普通蛋糕,一般連秤材料至打發入爐祗需幾個字時間,焗50分鐘,仲有足夠時間清潔用完的用具,同嘆番杯茶。今次趕係要去商場買香油,來回唔見左成半個鐘。
刪除軒姐午安 !
回覆刪除下午茶時段 , 趕來嘆我嘅至愛斑蘭蛋糕 .
圖文并茂 , 仲有糕譜 , 謝謝分享 !
子卉早晨!尼個蛋糕已經減油減糖,軟綿綿幾好入口,算是健康一點的餅食。
刪除色香味美
刪除謝謝大夫!
刪除好靚!綠得好靚!
回覆刪除有兩三個鐘最啱整蛋糕,可以焗好涼透、切件包裝,客人留到明天吃也不影响質量。
其實間間烘焙店賣的香油顏色香味都有唔同,今次尼個綠色幾靚,兩三個鐘整個普通蛋糕時間係足夠有餘,不過去買香油來回唔見左成半個鐘就趕啲。
刪除軒軒:你好犀利呀,比我就唔得,我唔可以特然間叫我整餅咖,好大壓力呀!
回覆刪除小月:自己人,整得唔靚都冇所謂,啊妹唔會嫌嘅!所以冇壓力,如果送俾人就真係有壓力架。
刪除這位姐姐真好!關懷愛心細心都有!
回覆刪除一世人兩姊妹,有今生冇來世,做家姐是應該的。
刪除你妹妹真有口福!
回覆刪除阿妹住離島,唔係成日嚟,整個蛋糕佢食下,算得乜嘢呀!
刪除成日都係咁嘅,有得睇冇得食....
回覆刪除你返香港我請你食齋!
刪除蛋糕望到己感滑滑的,不愧是高手。
回覆刪除多謝美言,稱不上高手啊!
刪除軒姐好快手,就整好個蛋糕,快㚒正。亞妹一定好開心。
回覆刪除整個普通蛋糕好快咋!俾咩過亞妹都開心。
刪除整得好靚! 又無爆裂 ! 收到一定好開心。請問知不知如果用斑蘭葉打汁, 要多少葉和多少水打?
回覆刪除多謝芹菜!我覺得留意爐溫便可減低爆裂機會,個蛋糕咁輕身正常面凍左會縮便有點縐,但我跟着做了幾個,發現落了有些烘焙店的香油是不會縮不會有縐紋,印象中以前買過香油註明含有乳化劑,但現在買已沒有註明,上面個蛋糕面咁靚相信同香油有關。斑蘭葉打汁以前做過兩次,但色會黃黃地唔靚,因用的份量很少,祗是幾十克,太少份量攪拌機好難打,可以打多少少用樽存放,放雪櫃可放一星期。我也沒有計算份量,水緊夠轉動便算。
刪除