2015年9月18日 星期五

今年的冰皮與廣式月餅

上星期已開始做冰皮及廣式月餅,
冰皮要存放冰櫃,未定型不能重疊存放,空位有限,祗能分次做,暫時做了九十六個。
廣式月餅也是分批做,回油後已送出第一批給朋友,前後做了四十四個,本來是四十個的份量,將皮偷薄至16克一個,可多做四個,同一爐同一材料,不同模出來效果有點不同,有幾個輕微象腳,下次再做要再研究一下。
紋路不及另外的模片清楚
同一爐同一材料,不同模出來效果有點不同,這兩個模比較清楚
近日感冒吃了幾天藥,今次的藥非常〝散〞,不停冒汗,頭重尾輕天旋地轉,昏昏欲睡,倦得不得不卧床休息,有兩天沒煮飯,家人要捱飯盒!好彩做好了等回油才病,否則開好了這麼多的材料不知如何是好,現已差不多痊癒,看情形才決定會否再加碼。





10 則留言:

  1. 可能對得爐火多, 小心身體呀 ! 祝早日康復 !

    回覆刪除
    回覆
    1. 多謝芹菜!都係整左幾爐唔係好多,年紀大了抵抗力弱了吧!

      刪除
  2. 軒姐,想問一個廣式蛋黃蓮蓉,不計人工成本會是多少呢?有人話蛋黃越多成本越輕,又是否事實?
    希望軒姐早日康復,否則過節冇你呢個大廚都唔知點好……

    回覆刪除
    回覆
    1. 如心:我都係尼幾年至學人整月餅,我冇正式計過,我尼個係迷你月餅,蓮蓉買現成四十幾蚊一斤,即600克除32克一個,蛋黃兩個幾一個,一開二,即1蚊多啲,麪粉糖漿油,都佔好小錢,禮盒十幾蚊一個,我大概五十零蚊一盒。人家做生意是大量入貨,成本會更低,正常side單黃月餅,是三両半蓮蓉,蛋黃體積比蓮蓉輕秤,理論上應該是蛋黃越多成本越輕,但近年鹹蛋都貴左,我諗單黃同四黃成本都差不多,但蛋黃越多賣得越貴,是生意手法。

      刪除
  3. 四十個,變四十四個,五姐〝打虎頭〞!呵呵呵!!!

    回覆刪除
    回覆
    1. Kaka.....仲呃砰呀!每個呃一兩克,一來個皮可以薄啲,咁加埋就可做多一個嘞。不過唔易呃架,太薄分分鐘收唔到口。咭咭.....

      刪除
  4. 軒姐:好能幹,小心身體,請多保重。我好慚愧,識食吾識做。哈哈!

    回覆刪除
    回覆
    1. 多謝惠惠關心!年紀大了抵抗力弱,比較難康復。識食是一種福氣啊!

      刪除
  5. 感冒要好好休息,軒姐要多多保重呀!

    回覆刪除
    回覆
    1. 多謝Man Man關心!成十幾日仲係覺得好攰闔眼瞓!

      刪除