2015年6月9日 星期二

發乾鮑的新方法

一般乾鮑是用焗水的方法,四弟有一朋友是海味店東太子爺,傳授了一個新方法浸發鮑魚,買了半斤廉價大連鮑試驗,八百多元一斤,方法非常簡單,將鮑魚稍刷洗乾淨,用過面水浸之存放冰格至結冰,溶雪再冰至結冰,如是者多次,用手按鮑魚腍身,去腸臟,用上湯燜兩小時半左右至理想腍度,用鮑汁、蠔油,老抽稍燜上色收汁即成。
切開都唔錯
影完相預留作晚飯之用,豈料細少當小食,嘩!食米唔知價!雖然是廉價鮑,但都要八百幾一斤!當小食,我暈啦!!今晚小了一個餸!

16 則留言:

  1. 我第一!叫細少請我食一隻吖?
    真係咁易發?方便好多喎,謝謝分享。

    回覆刪除
    回覆
    1. 好好好!我叫細少請隻你食。我買啲係平嘢試,太貴都唔敢一次過試半斤,今次冰左四次,用清雞湯煲兩個半小時,都好腍。

      刪除
  2. 軒姐,早晨!
    好方法,又簡單,謝無私分享!^0^

    回覆刪除
  3. 嘩!好正呀!想一啖一啖咬落去!^^'''

    回覆刪除
    回覆
    1. 心心多謝Eva.........................................................

      刪除
    2. 雖然心心不多上來Eva這裡坐,,,但心心都有追看Eva你的每一個烹飪飲食,,,在這裡..心心也學習不少。。。


      多謝Eva **

      刪除
  4. 曾看過一段視頻,煲粥的米冰過也可以快速煲出很綿的白粥,不知兩者是否同一道理?
    謝謝軒姐的新法發鮑!

    回覆刪除
    回覆
    1. 我曾在FB看過有人解釋,冰就像千支鋼針令食物會更腍,冰米能煲綿粥我都試過,相信是同一道理,改變了物質而很快變腍。

      刪除
  5. 細少豪慣所以係當小食囉。

    回覆刪除
  6. 軒姐:用你方法,好快有得食。下次試吓先。謝謝你!

    回覆刪除
    回覆
    1. 係快好多,慳柴火。你都買啲平價鮑魚做試驗品,試過成功至買貴野啦!

      刪除
  7. 我咁遲來,分唔到了,不過,如果下次您整大隻的鮑魚,我一定會排第一的,哈哈!

    回覆刪除