2015年6月13日 星期六

魚露五花腩

 整理稿件,發現了從電視學的魚露五花腩很久沒有再做,急急拿出食譜再做,美味!
魚露五花腩
材料:五花腩一斤
          魚露 3- 4 湯匙
           片糖 半塊至2/3
           泰國青檸一個
           薑數片
          金不換葉 (不喜其氣味可免 )
做法:五花腩洗淨切成丁方塊放滚水中汆水五分鐘
  汆水後之五花腩,滴乾水
2/3塊 片糖切碎
   切碎之片糖 放易潔煲或鑊中,慢火煑溶
 皮向下慢火煎一煎,跟着每面都煎一煎,全部上色即可,加入薑片魚露
加入剛過面之水,燘一小時十分鐘至夠腍收汁,此時加入青檸汁兜炒半分鐘,
最後加入金不換之葉兜勻上碟。如不喜金不換之味可不加。

  我先上一碟無加金不換之五花腩,留下幾件才加入金不換,我怕細少不吃,
氣味太強烈,果然不出所料,幾塊有金不換之五花腩,祗有大爺捧場。 
利用糖的熱量,外皮煎至起焦,似油炸的作用      
先見之明,沒加金不換之魚露五花腩 最受歡迎~yummy               
小小心得:五花腩一定要滴乾水,否則彈到七彩,糖溶的溫度很高,
被彈中好痛會起水泡,要用小火煎,可加上蓋,蓋要半開慢火煎,
便會較易擋開彈出的油。
魚露因各種牌子咸味不同,自行調節。

13 則留言:

  1. 五花腩最啱我,肥的更好吃!我也不要加金不換。

    回覆刪除
    回覆
    1. 五花真係好吸引,金不換太濃味,不是人人喜歡!大爺喜歡,我同細少唔啱!

      刪除
  2. 我煎那些會爆油的……也會像你加蓋啊!
    又快熟又唔使爆到四圍都係。

    回覆刪除
    回覆
    1. 彈到週圍到係事少,彈到皮膚事大,好痛!

      刪除
  3. 呢味真係好吸引啊,雖然身體不容許我多食,但我都要試吓整先得,謝謝您的分享!

    回覆刪除
    回覆
    1. 五花真係好吸引,年紀有番噉上下,要小心飲食,食細細嚿好啦!

      刪除
  4. 唔啱我食,太肥了!咭咭!

    回覆刪除
    回覆
    1. 大哥咁得閒巡blog?間屋搞掂啦?

      刪除
  5. 我最仲意食這餸,炮製過程原來係咁,謝謝。

    回覆刪除
    回覆
    1. 不用客氣,大家交流下啫,其實好多餸,祗要知過程,便很易炮製了!

      刪除
  6. 五花腩好食呀!流口水,真是又愛又恨,食少少無問題。我鍾意。謝謝軒姐分享!

    回覆刪除
    回覆
    1. 適可而止食一嚿半嚿冇問題嘅!

      刪除