清湯牛肋條

清湯牛肋條

可以魚目混珠，咭咭………

大爺愛吃清湯腩，近年百物騰貴，牛腩都近百元一斤，而中心的烹飪班亦是有上限，真係巧婦難為無米之炊，想到用急凍牛肋條代替，其實牛肋條都是牛腩一部份，在中心試了兩次做咖哩牛肋條，獲好評！今次做清湯腩。

材料：

牛肋條磅半

胡椒粒一湯匙(稍打碎)

薑數片

冰糖一小粒

清雞湯1升

水適量

中芹兩棵

白蘿蔔1條

鹽適量

做法：

牛肋條溶雪洗淨，剪去肥脂，汆水。

薑稍爆，加入清雞湯、冰糖、胡椒粒及水，滾後加入牛肋條，水要蓋過面，煲四十分鐘熄火焗一會….

蘿蔔去皮切角，汆水，放進清湯牛肋條中一起再煲半小時左右至理想腍度，下鹽調味，切件加去根葉切段的芹菜即成。

小小心得：可成鍋待凍，將凝固的肥脂除去，臨上桌前番熱才下芹菜，餘湯可用作煮粉麵。湯想飲原味，不下香料了。