2015年1月27日 星期二

芋絲春卷




雪柜有半包春卷皮,整咩好呢?想整個素點心,即刻浸幾隻冬菇,去買大半邊芋頭,有剩可以燜其他餸,搞掂開工,
材料非常簡單,芋頭,冬菇,芫荽各少許
芋頭調味:
鹽少許
五香粉少許
冬菇調味:
生抽,豆粉,糖,麻油,酒適量
做法:
將芋頭切絲,冬菇下調味醃勻,加薑片蒸熟切絲,芫荽洗淨去根,
下油將芋頭絲爆炒,下調味料灑少許水炒熟,加入冬茹絲兜勻,待凍便可包,春卷皮上先放上芋頭絲及冬菇絲,再放芫荽,卷起收口,炸至金黃色即可。
小小心得:春卷皮很快便炸至金黃,芋頭一定要炒熟,芫荽可跟春卷長度一致,便每一口都有芫荽,禮佛者冬菇調味便棄酒。

6 則留言:

  1. 呢味簡單得來好香口,謝謝軒姐提供,子卉會試做!

    回覆刪除
  2. 呢餐一定係俾百厭吃喇?
    佢食齋嘛!

    回覆刪除
    回覆
    1. 係囉!D嘢腍哂都唔見人!百厭唔止食齋仲要戒糖,完全唔落糖真係好難諗,酥餅包點好多都都要落糖,越嚟越難嘞。

      刪除
  3. 嘩!!!呢個..................心心超仲意架!!!^0^

    回覆刪除