2014年11月20日 星期四

巴馬臣芝士咸味曲奇


     大哥要介甜,急於短時間內試食譜真是有點困難,急就章找出曾做過的巴馬臣芝士曲奇食譜,但不耐放,一晚便回潮,即使獨立包裝也不能解決,之前做了一次便沒有再做了,但因食譜沒有鹽及糖,非常合用,決定改動少許再試。今次再做先焗十五分鐘,轉120度焗20分鐘,再轉100度焗十分鐘,熄火在爐內待五分鐘,一涼便入袋,似乎好了一點,翌日吃雖然已不脆,但不至全腍,已經冇時間再試,醜婦終要見家翁,大哥張就下,食住先!俾啲時間我研究下!
巴馬臣芝士曲奇~3.5cm越細塊越易燶
牛油已很肥再加芝士粉更肥,做小巧一點自欺欺人,細細塊可以吃多一塊,過過口癮!

材料
中筋麵粉     100
巴馬臣碎士粉    40
牛油(雪硬) 60 
蛋 半隻
奶粉  10
做法:
中筋麵粉過篩,
牛油切成小粒,與粉類混合,用手指搓成沙粒狀。
加入蛋輕手搓成麵糰。 
放雪柜約半小時(如麵團夠硬身,可不雪)
壓麵糰至2mm厚。  
用餅模壓出形狀,  
170度焗15分鐘。
轉120度焗20分鐘,
再轉100度焗十分鐘,
熄火在爐內待五分鐘,一涼便入袋,
  
小小心得:越細塊越易燶,小心看爐火,各家爐火有別請自行調節。

4 則留言:

  1. 以前我做過一款炸芝士粒,擺耐咗都是不脆。
    你的鹹曲奇我未做過,如果不落蛋,牛油份量多25g左右,牛油要打到奶白色才加麵粉和芝士粉,我諗効果應較好些!
    哈哈,我都唔知得唔得…

    回覆刪除
    回覆
    1. 真係好多謝你提供方法,等我得閒試下,我試左用cheese cream做左一次,似乎好D,我諗係芝士粉易吸水氣所以易腍,要試多次至知得吾得。

      刪除
  2. 哈哈,笑得我吖.
    就是餅不脆,或是似沙粒.
    我估你大哥都會用匙來食啦!
    心意係要慢慢品嚐.才可以甜在心頭呢!

    回覆刪除
    回覆
    1. 咭咭.............吾好食人家都吾敢出聲啦!仲要硬哽呀 ^o^沙粒都食?kaka...................睇怕係你老牛至同你食。

      刪除