2014年2月11日 星期二

紅麴米煲雞湯


 紅麴米雞湯


紅麴米雞湯
這兩天實在太凍,不由不想念紅麴米煲雞湯,當年軒初為人母在病房認識了一位朋友,一晃眼卅多年,雖然各為工作而忙,但仍偶有聯絡,當時她剛產下女兒,家人便拿來紅麴米煲雞湯,一般人要過十二朝才可以吃雞,感到奇怪,她娓娓道來,她是客家人,家鄉是流行產後便喝此湯,非常驅風,並教軒冬天多喝有益,但當年與翁姑同住,奶奶一聽份量,嗤之以鼻,堅持要軒加了數倍份量,結果苦澀至全鍋倒掉。
  由於顏色艷紅,連肉也紅,家人都不大喝,於是一到寒冬,軒會煲一鍋,分兩、三天喝,由朝喝到晚,大寒天有碗熱騰騰的湯,實在滿足!
材料:
紅麴米1湯匙
1
200(可隨意加減)
水一鍋(約4、5升)
做法:雞洗淨斬件,薑洗淨連皮拍偏,紅麴米稍洗,水滾後放入以上各物,大火煲半小時,熄火焗半小時,下鹽調味即成。

小小心得:緊記一湯匙已足夠一鍋,過多便苦,紅麴米還可以作天然染色之用。

9 則留言:

  1. 原來紅麴米咁有益咖,有機會要買D試吓先,謝謝您的分享。

    回覆刪除
    回覆
    1. 小月:吾好氣呀!尼個湯女人比較啱飲D!好嘢梗係大家分享啦!

      刪除
    2. 乜我打漏咗個字,係吾好客氣至啱!

      刪除
  2. 紅麴米可在何處購買,手凍腳凍應該啱洗
    ,跟你整咗芋頭糕好好味,不過我功力未夠硬咗D謝謝

    回覆刪除
    回覆
    1. 上面包紅麴米喺裕華地庫買,係一磅裝,如果淨係煲湯份量太多,我以前會派街坊,想買小小,可在上海南貨店買,朝早煲好下午飲D薑味會更出味,通常手凍腳凍多屬寒底,大量薑應該啱飲,D雞肉都食得架,紅麴米仲可以釀酒,酒渣就係有名的紅糟,非常有益,我請教咗朋友點做,但尼幾日太凍,不宜釀製,等我成功咗會同大家分享。至於芋頭糕完全吾關你功夫事,第一芋頭比較難搞,粉吾粉可以直接影響水份,第二係各家爐火不一,每個型號輸出率都不同,爐火自然不同,水份自然會有出入,你整過一次下次就知道要用幾多水份,一定會好成功。

      刪除
  3. 咁好要煲下飲之得囉。謝謝你!

    回覆刪除
    回覆
    1. 可以煲小小,用半隻雞或兩隻雞脾試下啱吾啱飲。

      刪除
  4. 此湯驅風
    跟天氣凍有什麼關係呢
    呵呵

    回覆刪除
    回覆
    1. 小飛:咁俾你揀,汗流浹背飲碗熱死辣辣嘅湯好,定凍到手冰腳凍飲碗熱湯暖在心頭好嘞!咭咭..........

      刪除