2017年4月25日 星期二

薑醋雞腳

因為劣作『媽媽的招牌菜3 』有篇關於薑醋的食譜,書中的豬手做法是有別傳統的方法,由幾位榮升祖母,外婆的朋友提供最近流行的新方法,省時省燃料,而豬手帶爽口,不再是皮腍到溶,肉粗硬而嚡口,因是新方法,烹煮時間甚短,帶點懷疑,要反覆試驗做法,前後足足做了廿多斤甜醋,薑種是傳統做法,一做便是幾斤,拍攝完畢後仍有大量薑種剩餘,為了確保方法的掌握準確,趁未對大稿前,再多做了兩次豬手雞蛋,每次一隻豬手兩斤幾,軒一人無法應付,唯一辦法是派街坊,薑種已浸了幾個月粉粉的很好吃,做了幾次仍有少量薑種剩,豬手吃得有點膩,於是試試新口味,買了雞腳去代替豬手,好味道!今次居然一口氣吃了多隻雞腳!

注意雞腳不可浸在醋中過久,會越浸越硬。

10 則留言:

  1. 軒姐,最近我買了些豬腳放在冰箱,用就解凍。既然你講開做法,我想請教你有乜方法能整出來不那麼膠口?和不會皮腍肉粗。
    先說一聲,我不想吃糖醋的…謝謝!

    回覆刪除
    回覆
    1. 如心:莫說請教,大家研究下啫,豬手多肉,豬腳冇肉多筋,但有人愛吃筋。我覺得做白雲豬手,滷豬手,醉豬手才可做到皮爽肉腍,如果是燘多是要腍,由其老人家冇牙,但我喜歡吃爽口一點,好怕腍到一pat嘢,我會先汆水再放入冰水浸凍,抹乾水後走油,但現在年紀大了已少走油,改為將皮向下,半煎炸(要加蓋啲油彈得好勁)至皮微黃,倒起鑊中剩下嘅油,才爆香料頭和醬料灒酒,加水再燘,大概45分鐘熄火焗15分鐘左右,我覺得咁做會冇咁膠口,啲皮好食啲,口味人人不同,未知此法是否合你要求。

      刪除
    2. 呢個方法好好,有機會我會試試,謝謝你軒姐!

      刪除
    3. 不用謝,研究研究而矣!

      刪除
  2. 回覆
    1. 買一隻豬手唔係問題,係太多食唔到。

      刪除