2016年9月6日 星期二

一竇豬仔包

        做完奶皇包,細少問我可否做個奶皇豬頭包給小朋友玩玩,未試過盡管試試。小朋友的父母是細少好朋友兼老同學,她出生第十四天,便當細少的御用模特兒,與細少相交甚篤,小妹妹嗲細少嗲到暈!祗要一通電話給細少:「叔叔我好掛住你呀!點解你咁耐唔嚟睇我呀?」細少便飛撲過去,隨傳隨到,小妹妹會坐在細少大腿上,用小手挽着細少脖子,輕聲細語,密密斟,想去那兒玩,想去吃甚麼,想要甚麼玩具,想看電影......,細少一定答應。
        原來做型頗花時間,放入蒸籠中要小心翼翼,因已開始發酵,一不小心觸摸到便即刻影響到個外形或弄花個皮。天氣熱發酵快,要手急眼快,不可一次做太多了。
初做好型狀是最美,經過蒸後會有縮放,有少許變形,不過小朋友要求不會高,一打開盒子見到一竇豬仔,已眉開眼笑,逐隻包子用小手去揑豬鼻,咭咭...........她笑得前仰後翻,
各位觀眾,
小妹妹已急不及待吃了一個,
正在努力憋笑!
等我俾條喱士裙隻豬仔穿下!
咭咭............即刻化身作豬小姐!
天氣炎熱發酵太快,時間會很急迫,
一次做十二隻已趕得釵橫鬢亂。
雖然如此,但既緊張又好玩!
軒軒似乎還有點童真,
不對!
是老天真才對!


16 則留言:

  1. 你同細少咪差唔多,佢叫你做乜都係有求必應……

    回覆刪除
    回覆
    1. 唔止細少,大爺叫到一樣有求必應。

      刪除
  2. 可愛小豬嘜,氹得小妹妹幾開心!

    回覆刪除
    回覆
    1. 其實整得唔係咁好,不過小朋友冇乜要求,有就開心。

      刪除
  3. 好可愛呀,我見到都好開心呀!

    回覆刪除
    回覆
    1. 其實整得唔係咁好,不過小朋友冇乜要求,有就開心。

      刪除
  4. 咁得意,俾我見到都開心呀!

    回覆刪除
    回覆
    1. 其實整得唔係咁好,不過小朋友冇乜要求,有就開心。

      刪除
  5. 可愛小豬嘜,氹得小妹妹幾開心,也氹得我呢個大妹妹很開心!

    回覆刪除
    回覆
    1. 宗姐也氹得亞五開心!小朋友的想法真特別,唔知點解,佢要逐隻包去捏個豬鼻,一路捏一路笑,真難明。

      刪除
  6. 細少可能想有個咁可愛嘅小朋友都未定呢。

    回覆刪除
  7. 小朋友和小豬包,一樣咁可愛,真吾捨得食。

    回覆刪除
    回覆
    1. 小朋友好可愛,同細少去街從來都唔扭計。

      刪除