2014年2月23日 星期日

牛油大蝦伊麵

牛油大蝦伊麵
  很多時超市大減價未必真減,往往抬高價格說減價,其實冇減,過年前在超市見大蝦真減,且真的一減便是五十元,

半斤裝三隻,超大隻,168減至108
兩眼發光~即買!


    一直存放庫,是時候要清一清雪櫃,正當大蝦溶好雪清洗好,接電話一個二個話吾返嚟食,洗咗番冰D嘢會霉吾好食架,噉點算呀!望著三隻大蝦同一大堆餸發呆,一個人點食呀?把幾火將餸掟番入雪櫃,吾煮飯啦!一於三隻大蝦自己食,
牛油大蝦伊麵
伊麵汆水,用上湯燜煮收汁,大蝦去殼切大塊,用小小胡椒鹽稍醃拍生粉,起鑊用食油牛油煎熟放在伊麵上,雖然火遮眼煎老咗D,但蝦肉真係好甜,同平時的急凍蝦不同,貴得有道理。話自己食啫,三隻蝦食吾唒,留一隻俾大爺,雖然凍咗仍然好甜好好味。


16 則留言:

  1. 哈哈!我有時都遇到你呢D情況,特別是一心買到D靚海鮮比佢地食,下次要學您咁自己食,唔使激氣。

    回覆刪除
    回覆
    1. 小月:如果吾係番冰D蝦會霉,我都吾會自己食,好彩仲未洗米,吾係仲一大鍋冷飯,唉!小月我哋老咗吾係做看更就係鬧鐘~等門同叫人起身!~.~

      刪除
    2. 軒姐:一語中的,我非常同意您的說法呀,所以都要自己揾D嗜好去平衡吓先得了。

      刪除
    3. 大家年紀相若,當然體會到,到了這年紀係要自己揾D嗜好去平衡吓嘅!

      刪除
  2. 準備好D餸又唔番來食,真係好失預算架,打佢地pat pat喇!

    回覆刪除
    回覆
    1. 你話係咪激氣呀,D餸搞到吾三吾四`!

      刪除
  3. 好彩我冇呢D情況,只有想今晚食嘜餸,下次call我一call即到,逢到必早
    吾洗我日日頭痕

    回覆刪除
  4. 哈哈!大蝦伊麵我鍾意呀!仲整到咁靚,下次有咁既情況叫我黎幫你食呀!^o^
    我每日要大家報名食飯架。

    回覆刪除
    回覆
    1. 報咗名吾返呀!我都明出嚟做嘢有時身不由已!估吾到噉多老友記支持!開P到得囉!KaKa.........

      刪除
    2. 軒姐,開P預賣我。 晚安! :)

      刪除
    3. 哈哈...........如果有來機會開P,一定預埋你!:)

      刪除
  5. 哈哈,下次再有咁嘅機會,請通知我,一定會嚟捱義氣! ^^

    回覆刪除
    回覆
    1. 估吾到噉多老友記支持!開P到得囉!KaKa.........

      刪除