五味軒: 賀年食品~烹飪、飲食

顯示具有 賀年食品~烹飪、飲食 標籤的文章。顯示所有文章

2020年1月22日星期三

椰汁年糕~食譜

今年除了做薑汁年糕，因為夠薑，小朋友可能不能吃，便試做椰汁年糕，因為椰汁有甜味，減了點糖。用多層蒸鍋一次蒸三盆年糕，下兩層倒汗水比較多，保鮮膜似乎承受不了大量倒汗水，今次改用錫紙，但似乎遜色，要想想辦法了。

材料：

椰漿300克

清水300克

糯米粉450克

澄麵粉150克

砂糖450克

椰子油3湯匙

做法與年糕大致相同，祗是粉糰搓好後才下椰漿開成漿，可按此參考年糕

2017年2月9日星期四

年年都是以曲奇餅作手信，毫無新意，做得有點膩，今年做了精華素及面霜作新年禮物，想試試做糖果給小朋友，上Youtube找到食譜做鳥結糖，非常簡單易做，但切得太大條，買了的米紙不夠包裹，在心甜買的糖果紙是厚身不黏的，不包米紙包裹也可以，細少放工回家，軒問要送給你的御用模特兒嗎？細少答：等我食過好唔好食先講。食了一條話：OK啦！咭咭……唔係OK係KO左半碟糖。即刻去買棉花糖，杏仁再做，包多次便已沒有包糖紙了，翌日跑去二記買包糖紙，一分錢一分貨，糖果紙非常薄身，但都可以應用，兩日之內做了三次，最後一次是雙倍份量，新年期間，細少一個人幾乎KO整整一個份量的鳥結糖。

雙倍份量的鳥結糖~二記的糖果紙

心甜的糖果紙厚身很多，

但也貴一倍有多。

試食官回報，杏仁太多，於是將食譜減了杏仁。

食譜過兩天有空另行補上。

今年在二記及另一間樓上鋪買年糕模，樓上鋪12元5個長型模，上海街萬記35元8個，真是要貨比三家，試用後其實不大好用。分別在二記及樓上鋪買了福字模，二記的容納份量較少，但面蓋較好用，樓上鋪的蓋很易鬆脫。今年的薑汁年糕再加少少薑汁，夠薑味。1磅薑連皮加120ml水用攪拌機打爛搾汁成450ml，另薑渣先用水煮5分鐘，隔去渣，得水750ml不足之數可加水，煮溶糖908克，糯米粉900克，澄麵粉300克，共3個年糕，其餘方法一。樣。http://evakam51.blogspot.hk/2014/01/blog-post_25.html

晾皂需時，一拍完硬照己即做，過年剛剛好。

2016年2月2日星期二

薑汁年糕

薑汁年糕同普通年糕一樣做法，祗是減了200ml水，換成薑汁，但去年的薑汁年糕不夠辣，今次試將水400ml與薑渣先煲一會出味，隔去渣取水400ml與糖煮溶加入200ml薑汁成600ml薑糖水與粉混合即成，今次有薑味及薑辣，今次真真夠薑。食譜

http://evakam51.blogspot.hk/2014/01/blog-post_25.html

2015年2月15日星期日

夠薑～年糕

我是寒底，手腳常冰冷，最近一次因腳患看醫生，隻腳凍到醫生忍不着話你隻腳好凍，於是近日常喝薑母黑糖茶，噉不如試下整薑味年糕啦！攪拌器放在櫃頂，懶去取，更懶洗，一於用拍薑刀法，話咁快搞掂，同普通年糕一樣做法，祗是減了200ml水，換成薑汁。普通年糕食譜按此成碗薑汁，一邊做一邊聞到陣陣薑味，

顏色較淡。

將利是封裁剪好，送人要好意頭！

2015年2月13日星期五

一見你就笑~笑口棗

家人不大愛吃笑口棗，所以一直未有嘗試做過，有朋友來電問知否做法，於是找出陳年食譜，再參考網上方法，馬上試制，未知合朋友心意否？

材料：
中筋麵粉150g
白油/豬油1茶匙(我用白油)
糖75g
發粉1茶匙
蛋半隻
水約40ml(因應麵粉牌子，自行加減水份，以不黏手為準)
白芝麻適量
做法：

麵粉發粉拌勻在中間開穴

將其餘材料放入搓成光滑粉糰

蓋上保鮮紙醒麵半小時

搓成約10g一粒

可用炸籬盛載快速放水中即取出，要快別一次浸太多，
圖中太多會易黏著，亦可用噴水的方法

滾上芝麻搓圓，

炸籬稍炸，可助昜脫出，且減低炸燶機會

中小火，炸籬順時針不停搖動

開始笑，可改用鑊鏟推動笑口棗

祝大家笑口常開！
二零一五年二月十三日後記：

因這位朋友來電仍有問題，且回應說很易受潮，因而一追再追，卻意外引致家中失火，令朋友難過了好一陣子，自責若不是她要求，我不會一追再追，反過來要我去安慰她，意外是意外，合該有事，我該有此一劫，避也避不過！但因心理障碍，雖然食譜有待改良，但至今始終沒勇氣再試做，把食譜埋藏了兩年，鼓起了極大的勇氣，突破心理障碍把這食譜重貼。