想吃反沙芋頭，但買芋頭最少要買半個，太多了，於是趁做芋頭扣肉的時候買多點芋頭，不能連續多天都是芋,存放冰箱多天後才做，方法非常簡單，將芋頭去皮改成長條狀，用油炸至微黃，約三分鐘，撈起備用。另起鑊下蔥茸爆香，芋頭條回鑊兜勻備用(我省去蔥茸此步驟)，糖與水比例是1：1，一碗水：1碗白砂糖，煮至起泡杰身，芋頭回鑊翻炒至起沙即成。
小小心得：
煮糖膠的時候切勿煮燶，保持通透如清水色，順時針不停搞動，可滴一滴糖膠在水中成珠即可放入芋頭，轉小火，要快手炒動，令芋頭沾上糖膠，手慢可關掉爐火再炒。
整條包裹了白糖~yummy
這反沙芋頭我未吃過，但我曾吃過一廚師整的糖脆合桃，只不知做法是否一樣？而這合桃外被糖膠包住想亦差不多吧！
回覆刪除我已記不起這合桃配甚麼菜了，軒姐可知道嗎？
反沙芋頭係潮州食物，你講講嘅相信係琥珀合桃，以前去飲有個餸合桃炒大蝦，好似叫合甫明珠，我第三本書本來都想出琥珀合桃，做法雖然大同小異，但較難拿揑糖膠的時間，好易變拔絲或反沙，結果試了四鍋，試了一個蜜味合桃，成功率高，且非常脆口，編輯盛讚，已編入在第三本書了，亦有將合桃蝦仁編入書中。
刪除軒姐：給你說說我好像想起了，是一道外省菜色，相信不是滬菜那便是京菜，又或者……？
刪除至於那味菜的名字是叫合桃牛肉，軒姐，我有記錯嗎？
我知道係有個合桃牛肉，但我未食過，好似係牛肉沾上合桃碎去炸，而去飲有個時期流行西芹大蝦炒合桃，時代在轉變，以前物資短缺，去飲都係一些普通菜，現在變得花巧和用高級食材。
刪除看來反沙芋頭一定好吃！「生骨大頭菜」~~諗起上一代鬧細路仔添！
回覆刪除芋頭粉絲一定喜歡，咭咭..........芋頭炸腍了唔會生骨！
刪除我嘅至愛，但依家衹可一件起二件止，嚟您度睇吓，當食咗了。
回覆刪除出去食一碟都好多，要人多至食得哂，係屋可以煮餸留幾條芋頭整，咁就可以一件起兩件止。我係芋頭粉絲，芋頭煮咩都鍾意。
刪除軒姐，我都想食番件反沙芋頭呀！
回覆刪除多謝欣賞！隨便食啦！
刪除軒姐：芋頭我鍾意，反沙都係响你處食件算。謝謝！
回覆刪除隨便啦惠惠！
刪除