菜乾咸排骨粥~玫瑰鍋

細少無上班，中午吃得飯餐多，天氣又熱，不如煲鍋粥，隔日買好排骨用鹽醃好，5 、6棵菜乾浸好，第一次用玫瑰鍋煲，都擔心會滾潟，水份大概離煲邊兩吋，大半杯米，水滾後轉細火煲，又真的冇滾出來，一個小時後，打開蓋，C嘞！水還水渣還渣呀！似潮州粥呀！點呢？唯有試下熄火焗半小時，搞勻用中火煲番滾，轉小火再煲一陣，哈哈變回一煲好綿的粥。下次試煲半小時便熄火焗，看看是否一樣可以。