柚皮

       軒一向愛吃一些有嚼勁的食物，自從看到老人家在老人院和醫院吃一些煮至腍爛或磨碎的食物，更加明確知道要趁還有牙齒及牙力要吃有嚼勁的食物，腍到一pat嘢等冇牙才吃吧！

    最怕吃酒樓那些墊底的柚皮，往往都是腍到一Pat嘢！本來柚皮是剩餘物資，沒人要的東西，因酒樓採用，由不用錢變成要用錢去買，買一個原整的柚子便有柚皮了。

    從前柚皮的處理較煩複，先將柚皮的表皮青色部份用炭火燒焦，再刮去燒焦部份，浸幾天水，再汆水，用鯪魚煎熟，取肉，魚頭尾及骨熬湯作上湯用，加上麵豉，及去骨的鯪魚肉去煮柚皮。難有炭火，便改成將柚皮青色部份削去，現代人求快速，柚皮浸水後，祗要頻繁的搾出水份換水，一天數次，浸24小時，取少許咬嚼沒有澀味便可用，便不用等浸數天了，將浸好之柚皮搾乾水，燒熱一鍋水，將柚皮汆水一分鐘，投入冰水中降溫，取出搾乾水份切件，少許豬油爆炒柚皮，我用蠔油，老抽，磨豉，清雞湯代替魚湯，炆煮一會至理想腍度，收汁即成。可惜細少唔吼！大爺吃得津津有味。