花彫蛋白蒸花蟹

花彫蛋白蒸花蟹，仲未淋花彫酒便影相

    細少一向不吃大閘蟹，但薑蔥炒蟹他是吃的，買隻花蟹蒸蛋白，點知……細少話好臭，頂唔順啲蟹味，〝該煨咯〞細少唔食仲要走路！嗱嗱聲拎碗飯匿入房吃，話個廳一陣蟹味，成晚匿埋係房唔出嚟！

那邊廂大爺吃得津津有味！唉！今次真係順得哥情失嫂意嘞！

個蛋白真係好滑！做的方法很簡單，可說是快！靚！正！

材料：

蟹1隻

薑兩三片蔥段少許

蔥花少許

花彫酒少許

大蛋白3隻，

上湯150ml

鹽少許

做法：

蟹洗淨斬件，加薑蔥先蒸8分鐘，挾走薑蔥，蛋白加上湯及鹽打勻，加入倒出的蒸蟹水拌勻，將蛋白倒進放了蟹的碟中，用保鮮紙蓋好，中小火蒸10-12分鐘，淋上花彫酒，灑上蔥花即成。也可加入少許花彫酒與蛋白打勻蒸。