雲海日出

雲海日出

 28.Feb.2013發佈

軒一生未見過流星，年輕時少女情懷，

一直希望能與愛郎看星聽海觀日出，當年家規深嚴不可夜歸，

夙願難圓，婚後為人母，已無此閒情，隨著孩子長大，

人較閒暇，又再想起觀星，告知細少，

細少：觀星，梗係叫你honey同你去啦！

Honey(大爺)：觀猩容乜易，去動物園乜猩猩都有！

軒氣得杏眼圓睜！

細少：媽以你的體力，想夜登鳳凰看銀河星星，幾難！

 唉！人老了體力大不如前，慨嘆力不從心！

由年廿八一直吃消炎藥至今，

腳的筋膜發炎未癒，行動不大自如。

細少：媽！去影雲海日出囉！

軒：我行到跛跛下攞景定贈慶呀！

細少：咭咭………你上到山都落吾到山！

軒：哼！我call直昇機！

細少：咭咭………風大，直昇機停吾到！

軒：咁你孭我落山！！

細少：嘩！咁肥想壓死人咩！睇怕辛苦消防員抬擔架！

軒：哼！兩父子如出一轍！

軒明白人生錯過了便不能回頭，

雖然細少摸黑上山，心中難免擔心，但仍支持細少莫遺憾！

祇好多加叮嚀，萬事小心！

一大早whatsApp訊號響起，睡眼惺忪查看，

是細少傳來圖片，幸運影得雲海日出，

細少去年上了白果山三十多次也遇不上雲海。

(白果山即大霧山常風雲突變失敗而回因而得名)

細少冠名~回望

細少興奮莫明告之，當時場面非常震撼！

大自然真奇妙！