BB非洲鮑燜鵝掌
四弟認識上環同興泰記海味店老闆,引薦下認識了店東的千金鄒小姐,卻原來是我劣作的讀者,給了一個特級優惠折扣,買了一斤五十頭非洲BB鮑,鄒小姐已言明這非洲鮑是小辣椒非常耐火,要有耐性,回來後當然要試試,用存統方法便可見真章,
可以屈曲接疊便已發夠身
發頭不錯
足足化了四天時間才可以吃,小辣椒之名非虛!數月前買的大連鮑快腍價錢較平,粗吃是理想選擇,但非洲鮑比大連鮑更有鮑味,於是即刻去再買,今次買20頭南非鮑,鄒小姐介紹南非鮑會快!靚!正!價格祗是貴少許,但比BB非洲鮑更有鮑味,一分錢一分貨當然有分別。新年將至,小姑一家會來拜年吃飯,領了版稅想去旅行,大爺又沒假期,那今年便吃豪一點,買了一斤南非鮑過年。今次大豐收,冬菇、海味......一樣是特級優惠。同興泰記近東邊街,信步去買欖角,豆豉.......敝!越買越重,十多斤卻沒有帶私家車.....(車仔),幾經辛苦才回到家!
這小辣椒BB非洲鮑花了四天才可飽餐
大爺愛啃掌翼,買來鵝掌同扣,以滿足大爺。
過時過節食豪D係好啱嘅。
回覆刪除好似我咁,如果要自己煮,想食豪啲都唔得,因為唔識厨藝!
刪除Philip都係烹飪高手,勝任有餘。
刪除Man Man :梗係要搵個藉口食下嘢啦!
刪除軒姐,大爺見到有冇心動?
回覆刪除而我就已經心動了!
如心:大爺已經習慣了,是想當然,沒有甚麼可以令他心動,很少會讚一句。
刪除你下次唔好再拎咁重啦!分幾次買好喇!
回覆刪除下次一定帶車仔!唔係真係有苦自己知!
刪除有鮑魚食,我又嚟拜年呀!
回覆刪除去上環真係要帶車仔呀,記得有一次幾個朋友一齊去,最後要集合一齊Call 貨 Van 返家呀。
哈哈..........真係請到請唁到啦!女人就係咁,最初諗著買小小,點知越買越多,幾個人call貨Van有着數,一個人call就太貴啦!下次一定拎車仔。
刪除今年真係過肥年喇!我想問下:發好之後要炆幾耐才有得吃呢?
回覆刪除其實隻隻鮑魚唔同,大連鮑發好後3-4小時已可食,尼隻非洲BB鮑發好後要3日至有得食。新買嗰隻南非鮑未試,應該發好後1日有得食。
刪除謝謝!其實我係想知你隻BB鮑炆三日,係不停地炆還是炆幾個鐘停一停,如是者三日,中途有沒入雪櫃呢?
刪除以前會用電子瓦罉唔使睇火,有人用燜燒杯或燜燒煲焗,我用真空壺焗,2小時倒出來煲滾,臨瞓煲滾放入真空壺焗焗至明天,如是者重覆至想要腍度才再燴。
刪除明白了,謝謝軒軒!
刪除唔好客氣!大家研究硏究!
刪除可否POST食譜. 謝謝
回覆刪除謝謝到訪!最近比較忙,POST食譜睇怕要遲一點了。
刪除我好多年前整個從南非帶回來的鮑魚,糖心的,真係好正!不過一定冇你整得咁正,我都好似小月話齋,要去你家拜年...嘻嘻
回覆刪除哈哈..........真係請到請唁到啦!你太客氣了,EE也是烹飪高手,綽綽有餘啦!
刪除有鮑魚食,我都來你處拜年啦!嘻嘻!謝謝軒姐。
回覆刪除多謝惠惠!
刪除