試戚風模

在淘寶買了個戚風模，收到才知大意買錯了普通高度，不是高身的，冇計！於是急急開壇試試 ，是否爬升得更好，

 真係升得好快，嘩！幾驚冇位再升！

唔升又唔高興，升得高又驚冇位會漏出來，

真矛盾！

雞手鴨腳小心奕奕地脫模，

幾驚脫爛呀！好彩完整！

食譜在此

水餃皮

    與大爺去飲茶點了水餃，

一吃便問：點解好似腳繭皮咁厚嘅？

軒：你食慣薄皮啫！

嘿嘿.......真係食米唔知價嘞！

就係這款餃子皮嘞！
早年在you tube有人介紹，於是去找來買，

皮比較薄，好吃，

較迷你一點，

比一般市面的普通水餃皮薄一半，

也貴好多倍，但實在好吃，
自始便買這水餃皮吃，貨比三家，
真的所言非虛！

UNY賣20.00

在AEON賣15.9，

在SOGO卻賣24.9。

不過AEON常斷貨，

遇上Aeon每月兩次的折扣優惠日，

想買真係難啦！

一見便買多一點，

可存放冰格，

也可包好放冰格，慢慢吃。

這個盒子因為矮身，
放餃子剛好，
慳地方呢！

白汁雞絲意粉

假期大家都晚起，又不願外出排隊進食，去雪櫃找找，有雞脾肉及鮮奶，又冇其他配料，在窗台剪點自家種的香草，煮個白汁雞絲意粉，雖然草草一餐，細少喜歡喎！煮白汁的時候不要一下子放下全部鮮奶，分幾次逐小放，白汁才不會起粒粒。

東施效顰~下

    死心不息又再試做，倒立去蒸，個面一定變平，不會鼓起，側放造型不會立體。

廚櫃有一個半圓模，拿來一試。

咭咭……得左，可惜仍有瑕疵，不夠完美，

近看有小小裂紋啊！

半圓模，

包子四面睇，

單手揸相機，對焦有點困難，是是旦旦啦！睇到就算嘞！

得一個模子，其他側放，做型不會立體，不過未知何故，一籠包子表面都光滑，沒問題，祗有這個用模子的包面有小小裂紋，可能是金屬傳熱太快，待有時間去物適另一個模子再試。

東施效顰

      和細少撐檯腳試了雜菌包後，因外型吸引，急急便試做，正在搓麵糰之際，卻接電話有要事外出，急急將麵糰放入雪櫃，辦妥要事回家後，已經要趕晚飯，於是急就章，將本來想做小巧的包，嗱嗱聲改做成兩個巨無霸磨菇造型，快點完工！下蒸籠的時候便發覺，擺放成了問題，貼邊位置便不夠圓，且蒸熟後蒂不能立正中，底部變成平面，人家的是在中央正立的，今次真是東施效顰。
    假如倒立去蒸，個面一定變平，不會鼓起，莫非有些特別工具？死心不息，要再試！

待續..........

撐檯腳

早前與朋友茗茶發現了新大陸~『華膳正點』，

點心精緻且有驚喜，

價錢也合理，

細少有幾天特別假期，

一於同個小情人去撐檯腳。

外層是軟滑的紅米漿腸粉，

中間脆脆的一層包裹了海鮮，

熱辣辣的好正！
上次吃過今次再點。

鮑魚燒賣隻鮑魚其實好細隻，

跟燒賣大少一樣，$48一籠

蝦餃皮薄餡靚

精緻的雜菌包，餡比較少了一點

我怕肥，淺嗜好了，兩人共吃一杯。

貼滿客人寫的食評

『華膳正點』在佐敦道近德興街，

斜對面是商務書局

茶錢每位六元，

免加一，免小費，

侍應服務也好，兩人承惠175元。

原來晚上有小菜吃，有機會要去試試。

富貴批

    最近做雞批，如心提議做鮑魚批，吓？咁富貴？如心話那時候的急凍鮮鮑不怎麼貴的！做素批翠兒也提議用素鮑魚，兩位都提議鮑魚，一於要試，但孤陋寡聞莫說吃，連見都未見過怎做呢？上網祗有酒樓的照片，一是批面有隻鮑魚，一是沒有批面，整個批可見全部食材，後者會更吸引。找了多天唯一食譜介紹是大少奶's Delicatessen，參考後試做。